Fikambanan-dRelijiozy tsy mitady tombontsoa manokana (à but non lucratif) fa manao asa soa, manampy ny olona   ara-pinoana sy ara-maha-olona mba  ho olom- pirenena vanona hitondra fampandrosoana  eto amintsika amin’ny alalan’ny trano sy ny misiona ataonay.

Ny fitantanam-panahy no lohalaharana amin’izany amin’ny alalan’ny fanomezana laretirety, matso-panahy, fampianaram-pinoana, zoky am-panahin’ireo fikambanana Masina ary ny resadresaka am-panahy.

Eo ihany koa ny asa pastoraly teo anivon’ireo marary hoditra sy ireo manana fahasembanana aran-tsaina sy aram-batana. Ny fampianarana an-tsekoly, EPP, kolejy, Lycée, Oniversité, ny any amin’ny seminera zandriny sy any amin’ny grand séminera.